朝早食完個自助早餐之後, 嗱嗱聲check-out後, 就去左澳門大學!!!
在山上影返落去澳門, 景色優美, 但..曬到爆!!!!!今日應該有30多度呢, 熱死人啦
搵左一大輪, 先搵到個葡撻人想食的安德魯茶座, 呢度落地大玻璃, 配埋o的藤傢俬, 又幾悠閑舒適嘅, 不過原來個方向, 正正對住個墳場, 就有少少扣分啦
坐左陣, 睇吓報紙, 打吓機咁, 又要快快趣走啦, 因為訂左位去食船屋呢.
呢間野開12點半, 但12點15分, 己經有人係外面等緊, 而且係個個都訂左枱,
因為無訂枱都唔洗旨意有得食, 我地上次食過門釘, 今次就學精左啦,
早2個星期係香港打電話黎訂枱, 仲用左我7蚊長途費!!!
咁先係麵包架嘛, 咁多餐, 係得船屋的麵包似返d樣
夠熱, 外層夠脆, 而內裏又香又軟
好多人讚的蒜頭煮蜆 ($78), 好好味呢~~我仲猛係度飲o的湯添!!
馬介休焗薯蓉 ($108), 之前睇何韻c介紹呢, 都幾好食, 不過就夠飽肚!!
湯鮮燴飯 ($118), 好足料呢, 又蟹, 又青口, 又蝦, 完全都好新鮮呢
你唔好睇佢唔湯唔水, 其實過一陣, o的飯就會完全索哂o的汁, 好鮮甜呢
食飽去左隔離的媽祖廟行吓, 不過今日真係又熱又曬呢!!!
中午o個真係超飽肚, 本來諗住黎海軍俱樂部食飯架,
但睇住個menu, 真係完全食唔落,
所以最後去左義順, 飲左個奶, 晚飯都食唔落就返左香港
永利個噴水池好勁呢, 好靚~~
係星際"跌"左300蚊, 好憎呀....
. 唔好同我客氣呀, 哈哈...
